Sa Hanganan ng Kailanman

Sa Hanganan ng Kailanman

Mahal, ilang taon na ba tayong nagsasama?

Parang hindi ko na yata mabilang

Ilang beses na ba tayong nag-away?

Ilang beses din ba tayong nagkabati?

Ilang beses ko na bang sinabi sa’yong, “Mahal kita”?

Salamat at di ako nagkamali sa pagpili sa tulad mo

Sa bawat taon ng ating pagsasama,

Maging sa hirap man o ginhawa, sa saya , sa  lungkot

Ay patuloy kang nasa tabi ko umaalalay

Di man perpekto ang lahat ngunit naging perperkto

Tingnan mo ang mga anak natin

O kay bilis talaga ng panahon

Kailan lang ay mga musmus pa lang sila

At halos magkandarap tayo sa pagpapalaki sa kanila

Para lang mabigyan sila ng marangayang buhay

Nararamdaman mo ba ang nadarama ko?

Di ba ang gaan sa pakiramdam?

Sulit ang pagpapalaki natin sa kanila

Kahit anung hirap pa ang napagdaanan natin

Nagtagumpay tayo bilang isang magulang

Kahit na may mga sarili na silang pamilya

Ay hindi pa rin nila tayo pinapabayaan

Tingnan mo ang mga apo natin, ang lilikot

Sa tuwina’y kasa - kasama natin sila

Lalo pa kapag naghahanap buhay ang mga magulang nila

Mahal ko, aaminin ko, nitong nagdaang araw

Pinagmamasdan kita, di maiwasang ngumiti

Kasunod ng pagluha ng mga mata ko

Nagpagtanto ko na ikaw talaga ng soulmate ko

Na wala na akong mahanap na hihigit pa sa’yo

Alam kong darating ang araw papanaw din tayo

Pagmauna ka, maaari bang hintayin mo ako?

Maaari bang magkita ulit tayo sa kabilang buhay?

O kung ako man ang mauna sa’yo sa langit,

Pangako, maghihintay ako kahit pa sa hanganan ng kailanman.

 PHOTO REFERENCE : http://thenextfamily.com/tag/seattle/