Ang Bestfriend kong Labrador

Ang Bestfriend kong Labrador

by: R. Benipayo

Ang bestfriend kong Labrador,

Babae,tsong ang pangalan,

Itim ang kulay ng kanyang balahibo

Matangkad siya at medyo tumatanda na

Matakaw siya pagdating sa pagkain

Matalino siya atmadaling turuan

Mabait siya at sobrang maamo

Maingay siya kapag tumatahol

Pagdating sa akin at pamilya ko,

Masyado siyang mapagprotekta

Pag gabi o pagwalang tao sa bahay

Parati siyang nagbabantay sa paligid

Ang alaga kong Labrador,

Bagama’t isang aso lamang

Ay itinuturing kong parang isang tao

Minamahal ko na parang isang kapamilya

Pagpumapasok ako sa trabaho

Ay sumasabay siya sa akin, inaabangang makasakay

Pag uwi ko naman ay nagaantay sa gate

Pagkakita sa ay ay tahol nang tahol at tumatalon

Parati ko siyang kinakausap na parang tao

Naglalaro kami ng habulan sa labas minsan

Napakasaya ko pagnakakasama ko siya

Nawawala ang stress ko at nagiging uli bata ako

Ang minamahal kong alagang aso

Patay na siya ngayon, naaksidente

Hinding hindi ko iyon makakalimutan

Pagkat isinalba niya ako sa kapahamakan

Patawid  na sana ako noon sa highway

Nang bigla siyang tumawid sa kalye

At masagasaan ng isang kaskaserong jeep

Na kaagad naman niyang ikinamatay

Para sa akin ay isa siyang bayani

Lubos ang pasasalamat ko sa kanya

At wala na akong mahahanap pa ng isang tulad niya

Kailanman ay hindi ko siya makakalimutan.

Si Tsong, ang alaga kong labrador.